Princi Harry i mohon spekulimet për ndarje nga Meghan Markle

Duka i Sussexit, princi Harry, ka folur rreth spekulimeve që kohët e fundit janë bërë për martesën e tij, me dukeshën Meghan, gjatë ngjarjes “DealBook Summit”, të cilën e ka organizuar The New York Times,.

Përgjatë bisedës që Harry po bënte me kolumunistin e Times, Andrew Ross Sorkin, ai u pyet se si ndikon niveli i famës te martesa e tij.

“Nuk është gjë e mirë. Me sa duket jemi divorcuar ndoshta 10 apo 12 herë tashmë. Është e vështirë të përballesh me këto gjëra, prandaj disi i injoron”, ka thënë Harry, raporton USA Today.

Ai ka thënë gjithashtu se ndien shumë keqardhje për mashtruesit.

“Njerëzit për të cilët ndiej më së shumti keqardhje janë mashtruesit. Shpresat e tyre gjithnjë rriten e rriten... dhe në fund nuk ndodh ajo që kanë pritur. Prandaj ndiej keqardhje për ta”, ka thënë Harry.

Pavarësisht thashethemeve, Harry dhe Meghan kanë treguar gjithnjë mbështetje për njëri-tjetrin.

Edhe Showbiz 26 gus 2026 Princi Harry dhe Meghan pritet të rikthehen sot në Britani

Ata janë të martuar që nga viti 2018 dhe ngjallën shumë reagime që nga viti 2020 kur u tërhoqën nga detyrat që kishin si pjesëtarë të familjes mbretërore në Britani, për t'u shpërngulur në Kaliforni.

Çifti ka dy fëmijë, princin Archie dhe princeshën Lilibet.