Seria televizive “Nusja nga Stambolli” këtë javë arrin finalen e saj. Gjithë maratona dhe peripecitë e familjes Boran dhe e anëtarëve të saj arrijnë në fund.
Esma, kryepersonazhi dhe karakteri karizmatik i gjithë serialit, pas vdekjes së dashurisë së jetës së saj, Garipit, i dorëzohet sëmundjes së Alzheimerit dhe vdes.
Prapa saj lë familjen e madhe me 5 djem dhe shumë nuse, nipa e mbesa. Episodet e fundit do t’u japin mesazhe të shumta gjithë atyre që besojnë në fuqinë e familjes, fuqinë e dashurisë, faljes dhe mirësisë. Vdekja e Esmasë do ta tronditë familjen Boran.
Grua e fortë, nënë e përkushtuar dhe shumë tradicionale do të lërë një zbrazëti të madhe në familje. Faruku, Fikreti, Osmani, Murati dhe Ademi, të gjithë djemtë e Esmasë, do të vazhdojnë jetën në harmoni familjare. Armiqësitë e dikurshme do të shndërrohen në miqësi të përjetshme. Syreaja, nusja rebele, do të arrijë të bëhet kryefamiljarja shpirtërore e të gjithëve, e cila denjësisht do të marrë rolin e Esmasë si njeri me energji pozitive dhe aftësi, që të nxjerrë më të mirën nga secili person. Ademi dhe Gyneshja do ta birësojnë vajzën e vogël Sude, e cila do t’ua ndryshojë jetën.
Seriali përfundon me një letër që Esmaja e kishte shkruar për Syrejanë dhe gjithë të tjerët, por që do të duhej ta hapte në ditëlindjen e saj. Mesazhi kryesor në fund të maratonës do t’i vërë pikë serisë që gati 2 vjet u transmetua në Kohavision.
Edhe
“Nusja nga Stambolli” në epilog
“Nusja nga Stambolli” është një nga seritë më të shikuara në Ballkan dhe njëherësh edhe fituese e çmimit “Emmy” për serinë më të mirë në gjuhë të huaj.
Nga 16 marsi në KTV fillon transmetimi i serisë së re “Mollë e ndaluar”.
