Natalie Portman do të kthehet në franshizën "Thor" në një status paksa më të lartë. Ajo do ta ketë rolin e versionit femëror të perëndeshës nordike të vetëtimës dhe bubullimës, shkruan Sky News.
Njoftimi erdhi pasi që Marvel Studios e publikoi një tabelë të superheronjëve të ardhshëm në filmat e tyre të rinj, përfshirë Angelina Jolie në "The Eternals", filmin "Blade" me fituesin e Oscar, Mahershala Ali dhe "Black Widow" me Scarlett Johansson.
Portman do ta përsërisë personazhin e vet Jane Foster në filmin "Thor", por në vazhdimin e ri do ta marrë "çekanin hyjnor" i cili do ta bëjë atë perëndeshë të vetëtimës, shkruan KOHA Ditore.
Chris Hemsworth, i cili fillimisht e luan Thorin, dhe Tessa Thompson, e cila e luan Asgardian Valkyrie, gjithashtu do të shfaqen në vazhdimin e ri.
Filmi është pjesë e fazës së katërt të Marvel Cinematic Universe, i cili filloi me Iron Man në vitin 2008 dhe pason me shfaqjen e blockbusterit "Avengers: Endgame".
"Thor: Love and Thunder" do të shfaqet në nëntor të vitit 2021.
-
Traileri i ri i filmit “Thor” e zbulon personazhin e aktorit Christian Bale
-
Xhirimet e filmit “Thor: Love and Thunder” nisin në fillim të vitit 2021
-
Christian Bale mbërrin në Marvel
-
Taika Waititi paralajmëron ngjarjen e mundshme për "Thor 4"
-
Publikohen pamjet e para të filmit “Thor: Love and Thunder”