Superylli amerikan, Morgan Freeman, ka anuluar disa plane që kishte paraparë, për shkak të një infeksioni që ka marrë.
Aktori 86-vjeçar nuk e bëri udhëtimin e planifikuar në Mbretërinë e Bashkuar për të promovuar serinë e tij të re “Special Ops: Lioness”, në të cilën ai luan së bashku me Nicole Kidmanin dhe Zoe Saldanan.
Një përfaqësues i tij ka thënë për “MailOnline” se aktori “ka temperaturë dhe mjeku i tij mendon se kishte një infeksion ngjitës, kështu që ai anuloi udhëtimin e tij”
“Ai është më mirë tani”, ka thënë përfaqësuesi.
Freemani nuk u shfaq së bashku me kolegët e tij në programin e BBC 'The One Show', ndërsa Nicole dhe Zoe kanë ndjekur gjithashtu disa aktivitete të tjera.
Seriali triller, i cili është frymëzuar nga një program i vërtetë i CIA-s, ndjek marinsen Joe (Zoe) e cila përpiqet të balancojë jetën e saj personale dhe të punës, teksa udhëheq luftën e organizatës kundër terrorit.
Edhe
Lionel Richie dërgohet në spital pasi ndërpreu koncertin për shkak të një problemi shëndetësor
Morgan luan si sekretar amerikan i shtetit Edwin Mullins dhe Nicole luan rolin e mbikëqyrëses së lartë të CIA-s Kaitlyn Meade.
Premiera do të jetë më 23 korrik me dy episodet e para në dispozicion. Episodet do të dalin çdo javë deri më 3 shtator.
Përgatiti: Vita Abrashi-Kajtazi
