Emily Ratajkowski dhe Sebastian Bear-McClard kanë vendosur të ndjekin rrugë të ndara pas katër vjetësh martesë. Një burim i afërt me modelen Ratajkowski konfirmoi për revistën ‘People’ se çifti është ndarë.
“Ata u ndanë së fundmi. Ishte vendimi i Emilyt. Ajo po shkon mirë. Ajo është e fortë dhe e fokusuar te djali i saj. I pëlqen të jetë nënë”, tha burimi, duke shtuar se modelja ka në plan të bëjë kërkesë për shkurorëzim.
Fillimisht nisën spekulimet për një ndarje të mundshme javën e kaluar, pasi modelja u paraqit pa unazën e saj të martesës. Ajo gjithashtu nuk e ka vënë atë as në fotot e saj të fundit në Instagram.
Raportohet se kriza ka ardhur nga dyshimi për tradhti nga bashkëshorti. Një burim i tha “Page Six” se Sebastiani është një “mashtrues serial”.
Dyshja konfirmoi lidhjen në vitin 2018 pasi u pa së bashku në ditën e Shën Valentinit. Pas lidhjes për vetëm disa javë, modelja dhe producenti u martuan në një ceremoni befasuese në të njëjtin muaj.
Edhe
Emily Ratajkowski po ndahet nga bashkëshorti pas dyshimeve për tradhti
“Ne e njihnim njëri-tjetrin për një kohë të gjatë më parë dhe atij i pëlqen të bëjë shaka ‘po të gjithë mendojnë se ne u martuam shpejt”, tha ajo.
Në mars të vitit 2021, çifti mirëpriti fëmijën e tyre të parë, djalin Sylvester Apollo. /IconStyle
