Madonna i befasoi fansat në Coachella duke bërë një paraqitje të papritur si e ftuar gjatë performancës kryesore të së premtes në mbrëmje të Sabrina Carpenter.
Mbretëresha e Pop-it, Madonna, iu bashkua Carpenterit në skenë për një duet të këngëve Vogue, Like A Prayer, si dhe një këngë që duket të jetë nga albumi i ri i Madonnas.
Performanca erdhi pas disa ditësh spekulimesh se Madonna do të shfaqej në festivalin që zhvillohet në Kaliforni.
Të mërkurën, Madonna konfirmoi zyrtarisht publikimin e albumit “Confessions II”, një vazhdim i albumit të saj të vitit 2005 “Confessions on a Dance Floor”.
Pasi Carpenter përfundoi interpretimin e këngës Juno, Madonna doli në skenë ndërsa dëgjohej hyrja e “Vogue” dhe balerinët merrnin pozicione.
Edhe
Madonna dhe Kylie Minogue publikojnë bashkëpunimin e shumëpritur
“Faleminderit shumë që më ftove në shfaqjen tënde”, tha Madonna.
Madonna u shfaq për herë të parë në Coachella në vitin 2006, duke performuar në “Sahara Tent” në vend të skenës kryesore, me albumin “Confessions On A Dance Floor”. Ajo u rikthye më vonë në festival, duke bërë një paraqitje gjatë performancës së Drake në vitin 2015, ku pati edhe një moment viral kur e puthi atë.
