Lisa anëtarja e grupit të muzikës K-pop, “BLACKPINK”, së shpejti do të debutojë si solo këngëtare.
Së fundmi ne faqen e revistës “Harper’s Bazaar Thailand” u postua një fotografi e këngëtares shumë të dashur për publikun, të shoqëruar me një mbishkrim i cili e konfirmon lajmin se, Lisa pritet ta shënojë debutimin si solo këngëtare në qershor të këtij viti.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSidoqoftë, agjencia e cila e menaxhon karrierën e saj “YG Entertainment”, ende nuk e ka konfirmuar këtë lajm. Përmes një prononcimi për gazetën “The Korea Herald”, kompania në fjalë e ka konfirmuar se Lisa është duke punuar me shumë angazhim në realizimin e albumit të saj të parë, por nuk e kanë treguar datën se kur do të lansohet ai.
Rosé është anëtarja tjetër e grupit të njohur nga Korea Jugore, e cila para pak javësh e publikoi albumin e parë solo me titull “R”. Krahas këtij incizimi që ka marrë dy vjet për t’u finalizuar, këngëtarja gjithashtu i lansoi dy këngët, “On The Ground” dhe “Gone”, që të dyja në gjuhën angleze.
Këngëtarja e ka arritur një sukses të jashtëzakonshëm në toplistën muzikore “Billboard”, me këngën “On The Ground” e cila u pozicionua në vendin e 70-të të toplistës së 100 këngëve më të mira “Billboard” në Amerikë. Kështu, 24-vjeçarja Rosé është bërë solo këngëtarja e dytë e muzikës K-pop e renditur kaq lartë e kësaj topliste.
Në lajme të tjera për bendin shumë të suksesshëm “BLACKPINK”, së fundmi katër vajzat e grupit, Rose, Jennie, Lisa dhe JiSoo, i arritën më shumë se 60 milionë ndjekës në kanalin e tyre zyrtar në YouTube.
Kjo i bënë ato artistet e dyta në botë me më së shumti ndjekës në këtë platformë muzikore, pas yllit kanadez Justin Bieber.
“BLACKPINK” njihet për hite të shumta të cilat i numërojnë mbi 1 miliard klikime në YouTube, si “Kill This Love”, “DDU-DU DDU-DU”, “Boombayah”, “How You Like That”, “Lovesick Girls”, “Ice Cream”, “As If It’s Your Last” dhe të tjerë.
Nga debutimi i tyre në skenën botërore, grupi ka bashkëpunuar me yje të njohur të muzikës, si Lady Gaga, Dua Lipa, Selena Gomez dhe Cardi B.