Lady Gaga dhe Ariana Grande javën e ardhshme publikojnë këngën “Rain on me”

Lady Gaga dhe Ariana Grande do të publikojnë një bashkëpunim të ri javën e ardhshme.

Kënga “Rain On Me” do të publikohet të premten e ardhshme më 22 maj, dhe paraqitet në albumin “Chromatica” të Lady Gaga i cili do të dalë një javë më pas.

Bashkëpunimi u konfirmua muajin e kaluar kur Gaga e publikoi listën e këngëve për albumin “Cromatica”.

Javën e kaluar Lady Gaga publikoi detajet e plota të albumit të saj të gjashtë Chromatica, dhe një datë të re të publikimit. Albumi i cili do të del më 29 maj, u shty nga data fillestare e 10 prillit për shkak të pandemisë së koronavirusit, ku Gaga tha se “nuk ndjehej se ishte gjë e drejtë” ta publikojë albumin, transmeton KOHA.

Pas publikimit të listës se këngëve, ku ka pasur bashkëpunim me artistët si Ariana Grande, Elton John dhe BLACKPINK, Gaga publikoi edhe datën e re të lëshimit të albumit.

“Rain On Me” do të jetë kënga e dytë e publikuar nga “Chromatica” pas këngës “Stupid Love”, shkruan revista NME.