Të shkosh në takim pune pa jelekë është diçka që shumë pak femra mund t’ia lejojnë vetes. Megjithatë, kjo nuk vlen për yllin e reality TV, Kim Kardashian (38), e cila ka treguar edhe një herë se për të nuk vlejnë rregullat.
Kështu, Kim u pa në qytetin kalifornian Calabasas, dhe me këtë rast kishte veshur tuta ngjyrë hiri të cilat i kishte përshtatur me bodi të ngushtë. Ajo nuk kishte veshur jelekë, ndërsa taket i kishte zëvendësuar me atlete sportive.
Reality ylli kishte aplikuar grim dhe model të theksuar flokësh, ndërsa shumë adhurues për shkak të bodit dhe gjoksit e krahasuan me heroinën e zhanrit aksion Lara Croft, përndryshe karakterin fiktiv nga lojërat kompjuterike dhe filmat “Tomb Raider”, shkruan KOHA Ditore.
Nëna e katër fëmijëve u duk mjaft e zënë në telefon derisa po ecte nëpër rrugët kaliforniane pa jelekë.
Përndryshe, Kardashianes dhe bashkëshortit të saj, Kanye West (42), u lindi djalë pak më shumë se një muaj më parë, dhe atë e pagëzuan Psalm West.
Dy fëmijët e parë të çiftit West, North (6) dhe Saint (3) i lindi Kim, ndërsa për Chicago (1) dhe djaloshin e sapolindur ata e kishin angazhuar një nënë surrogate. Çifti është i martuar që nga viti 2014.
