KOHA.net
KOHA.net
Close
Mbështete KOHËN. Ruaje të vërtetën
Kontribuo Letër lexuesit
Showbiz

Kanye West bëri bujë në shfaqjen e koleksionit të tij në Paris

Viber Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber

Në hënën (3 tetor), Kanye West e shfaqi koleksionin e ri të veshjeve “Yeezy Season 9”, gjatë javës së modës në Paris. Reperi i shndërruar në disenjator u paraqit në këtë shou i veshur me një bluzë ku shkruhej, “White Lives Matter”, shkruan “Billboard”.

Sipas portalit “Page Six”, Ye, e dha një fjalim për të gjithë mysafirët e pranishëm, para se modelet të dilnin në sfilatë për ta prezantuar koleksionin e veshjeve. Ai foli për grabitjen që i kishte ndodhur ish-gruas, Kim Kardashian, pikërisht në Paris në vitin 2016, përpjekjet e tij për të depërtuar në industrinë e modës, prishjen e bashkëpunimit me kompaninë “Gap” dhe ish-menaxherin Scooter Braun dhe të tjerë.

“Unë jam Ye, dhe të gjithë këtu e dinë se jam lider. Askush nuk mund të më menaxhojë”, dëgjohet duke thënë reperi në videon e fjalimit të tij të postuar në rrjetet sociale.

Por, vendimi dhe arsyeja e Westit për ta veshur bluzën me mbishkrimin, “White Lives Matter”, aktualisht nuk dihet. Fraza raciste ka kohë që përdoret nga grupet neo-naziste dhe supremaciste si kundërpërgjigje ndaj lëvizjes, “Black Lives Matter”. Prandaj edhe pati reagime në publik pas sfilatës, ku shumica e kritikuan reperin për veprimin e tij dhe e akuzuan se nuk i intereson për jetët afrikano-amerikanëve.

Gjatë karrierës së tij, Ye, ka pasur mendime të ndryshme për racizmin në Amerikë, të cilat shpesh e kanë vënë në qendër të vëmendjes së publikut, por edhe e kanë bërë shënjestër të kritikave të ashpra.

Image
Artikuj të ngjashëm
Viber Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber
Kronikë. Theret me thikë një burrë në Skenderaj
Kronikë. Arrestohet një burrë në Gjakovë, dyshohet se dhunoi një shtetase të huaj
Showbiz. Vdiq djali i supermodeles, Cindy Crawford
Arbëri. Moti sot
Arbëri. Kurti në takim me kongresistin amerikan: Vendimi i Speciales ka pasaktësi faktike e gabime ligjore
Karikatura. Karikatura e ditës