Aktorja e famshme amerikane, Julia Roberts, ka thënë se njerëzit janë duke e humbur “artin e bisedës”, teksa ka prezantuar një film të ri për sulmet seksuale, e që sipas saj do të nxitë debate në audiencë.
“After the Hunt”, që është lansuar në Festivalin e Filmit në Venecie, bën fjalë për një studente në Universitetin Yale që akuzon një profesor për përdhunim.
As versionet e studentes e as të profesorit nuk paraqiten si kredibile dhe filmi ka nxitur polemika për të dyja palët. Dhe kjo nga Roberts do të jetë arsyeja që do të ketë diskutime të shumta.
“Jemi duke i sfiduar njerëzit që të flasin dhe të ngazëllehen apo hidhërohen nga kjo. Kjo ju takon juve. Ka shumë polemika në këtë film, në atë mënyrë që nxit biseda”, ka thënë ajo.
Roberts luan rolin e profesoreshës Amma, që qëndron mes studentes me emrin Maggie dhe kolegut e mikut të saj, Hank.
“After the Hunt” pritet të ngjallë diskutime të shumta kur të lansohet nga “Amazoni” më vonë gjatë vitit. Gjithçka lidhet me polemikat rreth mënyrës se si ka rrëfyer ngjarjen studentja.
Roberts është lavdëruar nga kritikët për rolin e saj në film. “The Telegraph” e ka cilësuar si performancën më të mirë ndër vite”, ndërsa “The Times” ka shkruar se ajo meriton “Oscarin”.