Këngëtarja e njohur britanike, Jessie J, i ka dhënë fund romancës me valltarin, Max Pham Nguyen.
33-vjeçarja e ka bërë të ditur lajmin e ndarjes nga i dashuri prej pothuajse një viti, por ka treguar se ata mbesin miq të mirë me njëri-tjetrin.
Gjatë një bashkëbisedimi në fansat në Instagram, Jessie u pyet nëse është në lidhje apo beqare, dhe ajo u përgjigj: “Jam e hapur për lidhje të reja, e lumtur dhe e dashuruar me veten. Max dhe unë ka kohë që jemi vetëm miq të mirë”.
Tutje ylli i hitit “Price Tag” shtoi se asgjë dramatike nuk kishte ndodhur mes tyre, dhe u kërkoi fansave që të mos reagojnë keq ndaj këtij lajmi.
“Ai është një burrë i jashtëzakonshëm. Që të dy kemi shumë respekt dhe dashuri për njëri-tjetrin. Thjeshtë, nga ana romantike nuk përputheshim prandaj vendosëm të vazhdojmë të jemi vetëm miq të mirë. Të dy jemi të lumtur dhe vazhdojmë t’i jetojmë jetët tona”.
Edhe
Jessie J konfirmon lidhjen e re
Tutje, këngëtarja shpjegoi se arsyeja e vetme që ka pranuar të flas hapur rreth kësaj çështje, është ngase nuk i pëlqen kur njerëzit i ekzagjerojnë ndarjet që janë diçka shumë personale për të.
Në anën tjetër, ish i dashuri i Jessie J, aktori i famshëm hollywoodian, Channing Tatum, duket se po e shijon në maksimum lidhjen e re të dashurisë me Zoë Kravitzin.
Pas disa muajve të qarkullimit të thashethemeve rreth romancës mes çiftit, aktorët më në fund janë fotografuar dorë për dore duke shëtitur nëpër rrugët e New Yorkut.
41-vjeçari Tatum dhe 32-vjeçarja Kravitz, dukeshin mjaft të lumtur dhe të dashuruar me njëri-tjetrin, derisa nuk ngurruan as të shkëmbejnë puthje para fotografëve, duke e zyrtarizuar kështu lidhjen për mbarë publikun.
Tatum luan në filmin e ardhshëm me të cilin Kravitz e shënon debutimin regjisorial, “Pussy Island”.
Spekulimet rreth romancës mes tyre kishin filluar në janar të këtij viti, kur Zoë e cila është vajza e këngëtarit të famshëm, Lenny Kravitz, bëri kërkesë për shkurorëzim nga bashkëshorti Karl Glusman.
Nga atëherë, ata ishin fotografuar disa herë në shoqërinë e njëri-tjetrit, por pa e konfirmuar asnjëherë se janë çift.
Tatum dhe Kravitz po ashtu e ndoqën ceremoninë e muajit të kaluar, “Met Gala”, ku parakaluan mbi qilim të kuq ndaras por u larguan nga kjo ngjarje së bashku.
Edhe
Channing Tatum dhe Zoë Kravitz ndahen pas tre vjetësh bashkë, anulojnë martesën
Zoë Kravitz u nda nga Karl Glusman pas më pak se dy vjetësh martesë. Kurse, Tatum për dhjetë vjet ka qenë i martuar me aktoren dhe valltaren, Jenna Dewan, me të cilën e ka një vajzë të quajtur, Everly.
{gallery}
