Jennifer Coolidge "do të donte" të luante në “Legally Blonde 3”, sepse ajo ka dëgjuar se projekti është duke u përgatitur.
Aktorja 58-vjeçare fitoi shumë fansa kur e luajti Paulette në Legally Blonde në vitin 2001 dhe vazhdimin e tij, Legally Blonde 2: Red, White & Blonde, në vitin 2003. Dhe ndërsa një vazhdim i dytë ende nuk është paralajmëruar zyrtarisht, Jennifer është shumë e vendosur ta reprizojë rolin e saj.
"E di se është duke u përgatitur një skenar, kështu më është thënë", tha ajo për Entertainment Tonight. "Dhe vazhdimisht shoh lajme në shtyp për të. Po dëgjoj se do të bëhet, por thjesht nuk e di se cili është afati kohor. Por nëse më kërkohet ta bëj, do të jem patjetër atje... Do të dëshiroja ta luaja Paulette përsëri".
Ky koment i Jennifer vjen pasi që Reese Witherspoon, e cila e luajti avokaten Elle Woods në filma, tha se ajo do të dëshironte t’i shihte ish-koleget e saj të mblidhen së bashku për filmin e tretë në franshizë, shkruan KOHA Ditore.
"I dua Jennifer Coolidge dhe Luke Wilson, si dhe Selma Bler kështu që ka shumë karaktere të shkëlqyera që njerëzit i duan", vazhdoi Reese, duke iu referuar Paulette, bashkëshortit të saj në film, Emmett, dhe shoqes së herë pas hershme të Elle, Vivian.
Ajo shtoi: "Nëse do ta bëjmë, shpresoj se të gjithë do të paraqiten në të".
-
Reese Witherspoon shpreson të ribashkohet me fytyrat e njohura për “Legally Blonde 3”
-
Reese Witherspoon vlerësohet për punën në serialin e ri “Legally Blonde”
-
“Elle”, seriali i bazuar në historinë e filmave “Legally Blonde”
-
Publikohet traileri i serialit “Elle” që bazohet në historinë e filmit “Legally Blonde”
-
Reese Witherpsoon e emocionuar për seritë e reja të “Legally Blonde”