“Sapo dola pozitiv për COVID 19,” shkroi Corden. “Unë jam plotësisht i vaksinuar dhe për shkak të kësaj, kam fatin të them se ndihem plotësisht mirë”
James Corden duket se është një nga personazhet e fundit të famshme që rezultoi pozitiv me COVID-19.
Prezantuesi 43-vjeçar i “The Late Late Show with James Corden” njoftoi diagnozën në një postim të bërë në rrjete sociale, duke vënë në dukje se ai ishte plotësisht i mbrojtur dhe i vaksinuar.
“Sapo dola pozitiv për COVID 19,” shkroi Corden. “Unë jam plotësisht i vaksinuar dhe për shkak të kësaj, kam fatin të them se ndihem plotësisht mirë”.
Megjithëse ai aktualisht nuk po përjeton asnjë simptomë, Corden konfirmoi se emisioni i tij ‘do të jetë jashtë transmetimit për ditët e ardhshme’.
“Qëndroni të gjithë të sigurt”, përfundoi ai. “Dashuri për të gjithë, James x”.
Javë më parë është raportuar se Corden është në rrugën e duhur për t’u bërë personazhi televiziv më i paguar në Mbretërinë e Bashkuar, pasi thuhet se nënshkroi një marrëveshje dyvjeçare prej 15 milionë funtesh me shefat e televizionit amerikan.
Londinezi, 43-vjeçar, mund të kalojë dyshen e njohur Ant dhe Dec si ylli televiziv me fitimin më të lartë, me të ardhurat e tij të mundshme vjetore prej 7.5 milionë funtesh, duke i kaluar 6.6 milionë funte të dyshes për punën e tyre në ITV.
Marrëveshja e prezantuesit me rrjetin televiziv CBS skadon vitin e ardhshëm, pas gjashtë vjetësh që ishte prezantues i “The Late Late Show”, shkruan Daily Mail.
Sidoqoftë, sipas raporteve në The Sun, burimet e industrisë janë të etur për të mbajtur atë në bord si fytyra e ‘talk show’.
“CBS nuk ka plan B, James është djali i tyre dhe që ata e shohin se do të qëndrojë. Ai është një nga fytyrat e rrjetit, ai kryeson një shfaqje masive të suksesshme dhe sjell shumë klikime në internet.
Shifrat që po diskutohen janë rreth 15 milionë funte për dy vjet”, tha një burim i LA TV. Suksesi i James në shfaqjen e njohur i ka sjell atij tri çmime, duke përfshirë një Emmy.
Megjithatë, nuk është vetëm kjo që e bën atë tërheqës për industrinë e televizionit, pasi segmentet në internet të yllit si Carpool Karaoke dhe Crosswalk Musical fitojnë të ardhura të tjera.
Prezantimi i ribashkimit të ‘Friends’ në maj ishte gjithashtu një moment tjetër historik në karrierën e tij shumë të suksesshme.
Carpool Karaoke është bërë një fenomen global, kur ai merr një fytyrë të famshme për një udhëtim me makinë.
Adele, Sir Elton John, Ed Sheeran dhe Will Smith janë vetëm disa nga yjet e shoubizit që ishin të gatshëm të shkonin për një xhiro dhe të këndonin me yllin e televizionit.
Marrëveshja e fundit e James me shefat amerikanë arriti në pak më shumë se 5 milionë funte në vit, që ishte një rritje nga paraqitja e tij debutuese e cila i solli atij 3 milionë funte në vit kur filloi në 2015.
Komediani u zhvendos nga Britania e Madhe në Los Anxhelos gjashtë vjet më parë për të udhëhequr “The Late Late Show”, të cilin e filloi në mars të 2015-s.
James vlerësohej më parë me një pasuri rreth 22 milionë funte, megjithatë në llogaritë e fundit nga kompania e tij asetet e biznesit janë deklaruar si 140 milionë funte.
Ylli gjithashtu ka të ardhura nga rolet e tij në film dhe televizion, me të cilin mendohet të fitojë 7 milionë dollarë për “The Late Late Show”, si dhe miliona dollarë të lidhura në pronat e tij.
