“Iron Maiden” bën histori me koncertin e paralajmëruar në Kili

Rokerët britanikë Iron Maiden kanë bërë histori në Kili duke i shitur të gjitha biletat për Nacional Estadio në Santiago pothuajse shtatë muaj para koncertit të planifikuar atje.

Bendi i Bruce Dickinson e ka shtuar një datë të dytë koncerti në Kili në Movistar Arena pas shitjes së të 63,000 biletave për koncertin në tetor, duke u bërë kështu koncerti i parë që i shet të gjitha biletat për koncertin në stadiumin e Santiagos më shumë se gjashtë muaj më herët.

Iron Maiden tani i ka shitur koncertet në stadium katër herë. Ata kanë performuar më së shumti koncerte në Santiago se çdo grup apo artist tjetër.

Basisti Steve Harris theksoi: "Ishim të mahnitur kur promotori ynë na pyeti nëse mund ta luajmë edhe një koncert meqë të gjitha biletat për në stadium ishin shitur. Marrëdhënia me adhuruesit tanë në Kili ka qenë gjithmonë e veçantë, shkruan KOHA Ditore.

"Siç e dinë të gjithë, neve na pëlqen turneu kudo në Amerikën Latine. Është një lidhje e pakëputshme midis nesh në skenë dhe pasionit që vjen nga publiku, kështu që është privilegj që të na kërkohet ta bëjmë edhe një koncert - veçanërisht në një arenë e cila është më e afërt në të cilën do të vijmë për adhuruesit tanë për një kohë mjaft të gjatë. Do të jenë këto disa net goxha të veçanta, kjo është e sigurt."