Në filmin e shumëpritur të regjisorit britanik Guy Ritchie, “In The Grey”, aktorët e shquar të Hollywoodit, Jake Gyllenhaal dhe Henry Cavill, i portretizojnë dy vrasës të zotë në punën e tyre, të udhëhequr nga personazhi i Eiza González.
Filmi i zhanrit triler dhe aksion e sjell Gyllenhaalin në rolin e Broncos dhe Cavillin vjen si personazhi i quajtur Sid, të dy anëtarë të një “ekipi të fshehtë operativësh elitarë” të vendosur për të rikuperuar një pasuri prej një miliard dollarësh, të vjedhur nga një tiran i pamëshirshëm. Bronco dhe Sid përdorin gjithashtu armë automatike dhe eksplozivë për të kryer grabitjen e tyre të fshehtë në një ishull privat. Ajo që fillon si një grabitje e pamundur përkeqësohet shumë, duke u shndërruar në një luftë gjithëpërfshirëse strategjie, mashtrimi dhe mbijetese.
Pjesë e kastës së filmit janë edhe aktorët Kristofer Hivju, Emmett J. Scanlan, Jason Wong, Michael Vu, Fisher Stevens, Rosamund Pike dhe Carlos Bardem.
“In The Grey” do të lansohet nëpër kinema më 15 maj.
