Idina Menzel ka pranuar se duke luajtur rrolin e nënës së Lea Michele në “Glee” nuk ishte gjë e mirë për egon e saj sepse të dy yjet ishin të afërta në moshë
Aktorja 52-vjeçare e 'Frozen' iu bashkua hitit muzikor televiziv në vitin 2010 duke luajtur rolin e drejtueses së korit Shelby Corcoran, e cila ishte nëna e personazhit të Lea Rachel Berry dhe Idina thotë se ishte pak e sikletshme sepse të dyja ishin vetëm 15 vjet larg njëra-tjetrës në moshë.
Ajo i tha Revistës “Stellar” se e gjeti punën pak pasi mirëpriti fëmijën e saj të parë, duke shpjeguar: “Kisha djalin tim Uoker dhe pastaj tre muaj më vonë, mora telefonatën [për të qenë në Glee] dhe kështu thashë 'po'. Shqetësohesh se nuk do të punosh më, dhe pastaj njerëzit të punësojnë për të qenë nëna e dikujt kur ndoshta duhet të jesh motra e tyre më e madhe”.
"Thjesht nuk ishte gjëja më mrekullueshme për egon time. Por unë e shtyra veten shumë që të hyj në rrobat e personazhit dhe isha e emocionuar të punoja me krijuesin Ryan Murphy dhe të isha pjesë e atij hit-show”.
Idina ishte 38 vjeç kur u hodh në rolin përballë Leas që ishte 23 vjeç në atë kohë. Ajo lindi djalin e saj Walker në shtator të vitit 2009 dhe ishte në setin e “Glee” vetëm disa muaj më vonë.
Ajo gjithashtu pranoi se ajo luftoi me kostumet në shfaqje sepse ajo ishte ende duke e ushqyer beben me gji në atë kohë. Idina shtoi: “Isha ende duke i dhënë gji bebes sime dhe duke ruajtur qumështin e gjirit në frigorifer dhe kuti të vogla të ngrira për drekë dhe nuk mund të përshtatesha me asnjë nga kostumet”.
Ajo i tha revistës PEOPLE: “Ndoshta para se të takohej me mua, [Lohr] nuk mendonte se donte të bënte fëmijë dhe pastaj e sheh se sa i mirë mund të jetë babai. Unë kam këtë djalë të mahnitshëm dhe kam pasur fatin ta kem atë."
