Heidi Klum është bashkuar me legjendën e repit, Snoop Dogg për të regjistruar 'Chai Tea ëith Heidi', publikimi i saj i parë që nga kënga e saj e vitit 2006 'Ëinter Ëonderland' dhe Heidi ka shijuar përvojën e punës me Snoop.
Klum ka thënë për “People” se si ka ardhur deri te bashkëpunimi mes tyre.
“Shkova në Amerikë dhe e thirra Snoopin e i thash 'Hej Snoop, është Heidi'. Ai thotë: "Çfarë ke?" Dhe ia shpjegova të gjithë këtë gjë. Dhe më pas ai tha: "Epo, le ta bëjmë atë. Ejani në Ingleëood", ka shpjeguar këngëtarja.
Heidi dhe Snoop janë përzier në qarqe të ngjashme shoqërore në Los Anxhelos për vite me radhë.
Megjithatë, puna me legjendën e repit ishte ende një përvojë surreale për supermodelen e famshme gjermane.
"Nuk mund ta besoj se kjo po ndodh. Unë jam në Ingleëood me Snoop Dogg. Ai e do atë që kam bërë”, është shprehur Klum, e cila e ka pranuar se puna me Snoop ishte një ambicie e gjatë për të.
Modeles i ka pëlqyer të “sfidojë” veten me këngën e saj të re, derisa ka shtuar se është fansja më e madhe e reperit.
"Unë jam një fanse e madhe e Snoop Dogg. E kontaktova për idenë dhe, për habinë dhe kënaqësinë time, ai më ftoi të vij në studion e tij. Më pëlqen një këngë që i bën njerëzit të duan të kërcejnë dhe të argëtohen, dhe Snoop ndihmoi në realizimin e kësaj”, ka përfunduar supermodelja.
