-
Përktheu:
Vita Abrashi-Kajtazi
- 1 gusht 2025 23:45
- Shpërndaje në:
Harrison Ford, 83 vjeç, ka një kusht të vetëm nëse ndonjëherë do të luajë në të njëjtin film me bashkëshorten e tij, aktoren Calista Flockhart, 60 vjeç: ideja e filmit nuk duhet të vijë prej tyre.
“Nëse do të punonim bashkë, do të dëshironim që të ishte ideja e dikujt tjetër. Një kast i tillë ndoshta nuk është mënyra më e mirë për ta futur publikun në një histori të imagjinuar, sepse ata mund të thonë: ‘Ah, e dimë që janë të martuar, tani s’mund të mendojmë më për filmin’”, ka thënë Ford për Variety.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Edhe pse nuk kanë bërë asnjë film bashkë, Ford nuk e përjashton mundësinë, por thekson rëndësinë që projekti të jetë i mirë dhe natyral, jo i ndikuar nga jeta e tyre reale.
Aktori legjendar gjithashtu ka theksuar se nuk ka ndërmend të pensionohet.
“Një nga gjërat që më pëlqente te puna si aktor ishte pikërisht kjo: kanë nevojë edhe për njerëz të moshuar, që të luajnë role të njerëzve të moshuar”, ka thënë ai me humor.
Ford është nominuar së fundmi për çmimin “Emmy” për rolin e doktorit Paul Rhoades në serialin “Shrinking”, ku luan një terapist të moshuar që përballet me sëmundjen e Parkinsonit.
Në sezonin e tretë të serialit, kastit do t’i bashkohet edhe aktori Michael J. Fox, 64 vjeç, i cili është diagnostikuar me Parkinson që nga viti 1991, kur ishte vetëm 29 vjeç. Sipas Ford, kontributi i Fox ka qenë thelbësor për ta ndihmuar të kuptojë më mirë rolin.
“Ka qenë thelbësor. Guximi, qëndrueshmëria dhe hijeshia e Michaelit janë në pah. Ai është shumë i zgjuar, shumë i guximshëm, fisnik, bujar, plot pasion, një shembull për të gjithë ne, jo vetëm për ata që përballen me Parkinsonin”, ka thënë Ford.