Lajmi për një grup vallëzimi libanez që fitoi shfaqjen e konkursit televiziv “America's Got Talent” solli një moment të rrallë gëzimi të enjten, për shumë njerëz në këtë vend të Lindjes së Mesme të goditur nga kriza.
“Mayyas”, një trupë kërcimi e përbërë nga femrat, mahniti gjyqtarët dhe audiencën e shfaqjes në sezonin e 17-të të konkursit, përpara se të fitonte 1 milion dollarë dhe një shfaqje kryesore në hotelin dhe kazinonë “Luxor” në Las Vegas.
Grupi nderoi vendim e tij të lindjes gjatë shfaqjeve të tyre dhe në mediat sociale,raportoi Associated Press të enjten.
Fitorja është një nxitje e madhe për çdo artist aspirues. Por brenda Libanit, ku udhëheqja politike po përpiqet të kapërcejë vitet e trazirave ekonomike dhe politike, pati një nxitim të profilit të lartë për të uruar trupën e vallëzimit.
Kryeministri në detyrë, Najib Mikati dhe një pjesë e vogël e ligjvënësve uruan Mayyas në mediat sociale, ndërsa zyra e Presidentit Michel Aoun, në një deklaratë tha se kreu i shtetit libanez do t'ua ndajë kërcimtareve medaljen “Urdhri i Meritës” pas kthimit në shtëpi.
{gallery}
