Ylli i K-pop, Moonbin, ka vdekur në moshën 25-vjeçare, ka njoftuar kompania e tij diskografike, shkruan BBC.
Ai u gjet i pavetëdijshëm nga menaxheri në banesën e tij në Seul të mërkurën mbrëma, sipas policisë. Dyshohet për vetëvrasje.
“Ai duket se ka marrë jetën e tij, por autopsia po shqyrtohet për të përcaktuar shkakun e saktë të vdekjes”, ka thënë policia.
Moonbin kishte punuar si aktor dhe model përpara se t'i bashkohej grupit “Astro” në vitin 2016 në moshën 18-vjeçare.
Që nga viti 2020, ai kishte performuar me një tjetër anëtar të “Astro”, Sanha, në dyshe. Moonbin & Sanha kishin qenë në mes të një turneu botëror me performancën e tyre të fundit në Bangkok më 8 prill.
Motra e Moobin, Moon Sua është gjithashtu një këngëtare K-pop, pjesë e grupit të vajzave “Billie”. Vëllezërit e motrat kishin folur më parë në intervista publike për varësinë e tyre nga njëri-tjetri.
Edhe
Gjendet i vdekur aktori i famshëm korean
Moonbin është ylli i fundit i K-pop që ka humbur jetën vitet e fundit, pas Goo Hara, Minwoo e Jonghyun.
K-pop është shkurtesa për muzikën popullore të koreano-jugorëve.
