Këngëtari i njohur kosovar, Dren Abazi, ka publikuar këngën e tij të re me titull “Zjarr e Akull”.
Vetëm Abazi është kujdesur për tekstin dhe muzikën. Për orkestrimin ai ka bashkëpunuar me Samer Agollin.
Poshtë mund të gjeni edhe tekstin e këngës:
Zjarr e Akull
Mos më thuaj se ti do të ikësh tash,
Pa shumë zhurmë, e pa shumë bujë, mos thuj!
Mos më thuaj, se kjo është nata e fundit bashkë,
Rrugët na ndahen, e na mbesim të hujë
E nëse ti do t’ikësh nesër,
Çaj s’do t’pijmë ma n’park,
Unë do t’vij aty i heshtur,
Do t’shikoj nga larg
Kush e di...
Mbase jeta kaq kohë kishte,
Për ne të dy,
Nji botë tjetër, ma e mirë do t’ishte
Por, unë e di....
asgjë tjetër nuk e ka ma atë hijeshi,
Që e sjell veç hija jote,
Sa herë që shfaqesh ti!
Të ftohtë si akull jam mësuar të t’kem përballë,
Dhe nuk e di nëse e lumtur,
Je vallë?!
Me buzët e ngrohta, ti prap te ftohta i ke ato fjalë,
Të ftohtë si akull jam mësuar të t’kem përballë!
Kush e di ...
Mbase jeta kaq kohë kishte,
Për ne të dy,
Nji botë tjetër, ma e mirë do t’ishte
Por, unë e di....
asgjë tjetër nuk e ka ma atë hijeshi,
Që e sjell veç hija jote,
Sa herë që shfaqesh ti!