DJ Khaled ka arritur që për herë të katërt në karrierën e tij, të pozicionohet në vendin e parë të toplistës së 200 albumeve më të mira “Billboard”. Këtë sukses, artisti e shënoi me albumin e sapolansuar “God Did”.
Në javën debutuese, albumi i shiti 107.500 kopje në Shtetet e Bashkuara të Amerikës. Njëkohësisht është incizimi i dhjetë i Khaledit që renditet në top-dhjetëshen e kësaj liste muzikore.
“God Did” përfshinë bashkëpunime me 31 artistë të njohur në mesin e së cilëve: Drake, Eminem, Future, Jay-Z, Jadakiss, Lil Baby dhe Travis Scott, raporton “Billboard”.
DJ Khaled, në të kaluarën është pozicionuar në vendin e parë të “Billboard 200” me albumet, “Major Key” i lansuar në vitin 2016, “Grateful” i lansuar më 2017 dhe “Khaled Khaled” i publikuar në vitin 2021.
Po ashtu në top-dhjetëshen e 200 albumeve më të mira përfshihen artistët, Nicki Minaj, Silk Sonic, Kendrick Lamar dhe grupi i muzikës K-Pop, “TWICE”.
-
Swift, muzikantja e vetme që i rrëmben dhjetë pozitat e para të toplistës “Billboard”
-
“Donda” e Kanye Westit e kryeson listën “Billboard 200”
-
Kendrick Lamar kryeson me nominime për American Music Awards 2025
-
Taylor Swifti e kalon Draken, bëhet artistja më e dekoruar me çmime nga "Billboard"
-
Beyonce shpallet ylli i shekullit 21 nga “Billboard”