Ylli televiziv, Chrissy Teigen, ka konfirmuar se djali i saj, Miles, të cilin e ka me këngëtarin e njohur, John Legend, ka diabet të tipit 1.
“Mbrëmë ia dhamë gjilpërën e parë me insulinë”, ka shkruar ajo në llogarinë e saj në rrjetin social Instagram në një postim të gjatë, shkruan revista People.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAjo ka shpjeguar se disa javë me parë djali ka shkuar në një kamp veror me shokë ku është infektuar si pasojë e një baktere në ujë apo ushqim.
Modelja gjithashtu ka bërë të ditur se ndërkohë që djali po trajtohej në spital, mjekët zbuluan se nuk po vuan vetëm nga infeksioni.
“Doktorët e dinin se diçka nuk ishte në rregull me testin e gjakut të tij. Pas disa testimeve, e pamë se ai është në fazën fillestare të sëmundjes së përjetshme të diabetit të tipit 1”, ka thënë Teigen.
Në postimi i 38 vjeçes përfshihet një fotografi ku shihet ajo me fëmijët Luna e Miles (në lojërat Olimpike në Paris), i cili mbante në krahun e djathtë një pajisje monitorimi për diabetin.
“Shumë nga ju kini vënë re diçka speciale rreth një fotografie që kam postuar ditë më parë”, ka shkruar nëna e katër fëmijëve, ndërkohë që ka falënderuar adhuruesit për inkurajimin.