Superylli i muzikës Beyonce u detyrua ta ndërpriste koncertin e saj për disa çaste, pasi gati sa nuk u rrëzua nga një makinë që po mbahej në ajër nëpërmjet kabllove, raporton “Female First”.
Këngëtarja 43-vjeçare po performonte të shtunën në koncertin e saj të parë në stadiumin “NRG” në Houston, Teksas, nga dy sa i kishte planifikuar aty në kuadër të turneut Cowboy Carter, kur si rezultat i një defekti teknik vetura nisi të anohej në ajër.
Beyonce, e cila po mbahej për një nga kabllot, ishte duke kënduar këngën “16 Carriages” kur ndodhi incidenti.
Ajo nisi të thërriste: “Ndalo, ndalo, ndalo, ndalo, ndalo”.
Muzika u ndërpre dhe vetura u ul poshtë gradualisht, ndërsa Beyonce i buzëqeshi turmës në fund.
Edhe
Beyonce thyen rekord me turneun “Cowboy Carter”
“Faleminderit të gjithëve për durimin tuaj”, tha Beyonce.
Beyonce u largua shkurtazi nga skena, pasi makina u ul, përpara se të kthehej e ta përfundonte performancën.
“Nëse ndonjëherë bie e di se ju do të më kapni”, i tha ajo turmës.
Nuk është problemi i parë teknik që Beyonce ka përjetuar gjatë turneut të saj “Cowboy Carter”.
Edhe
“Cowboy Carter” i Beyonces, turneu solo më fitimprurës i vitit
Ajo ishte në rrezik të goditej nga rekuizitat robotike gjatë koncertit në stadiumin “SoFi” në Kaliforni.
Pati probleme teknike edhe gjatë një koncerti në Londër muajin e kaluar.
