Këngëtarja britanike, Adele, ishte më se e gatshme ta blinte një rezidencë të aktorit me famë botërore, Sylvestre Stallone, por fillimisht e refuzoi pasi statuja e “Rockyt” nuk ishte pjesë e marrëveshjes.
Këngëtarja 35-vjeçare shpenzoi 58 milionë dollarë në këtë çështje në Los Anxhelos vitin e kaluar dhe ka bërë disa rinovime në pronën luksoze.
Stallone, 76 vjeç, ka bërë emër nën rolin si boksieri “Rocky Balboa”, duke filluar me filmin e parë në vitin 1976 dhe vazhdimet e mëvonshme të projekteve filmike.
Dhe duket se Adele - e cila thuhet se është e fejuar me agjentin sportiv, Rich Paul, dhe ka djalin 10-vjeçar Angelo me ish-bashkëshortin Simon Konecki - është adhuruese e madhe e “Rockyit” pasi ajo nuk ishte e gatshme të nënshkruante marrëveshjen finale pa statujën e tij.
Duke folur për “The Wall Street Journal”, Stallone ka pohuar se Adele ka thënë se “kjo nuk është marrëveshja”.
Edhe
Adele refuzoi 200 milionë dollarë për ta zgjatur turneun
Megjithatë, fituesja e çmimit “Grammy” ka arritur ta bindte ikonën e Hollivudit të heqë dorë nga ky produkt kaq i dashur për të.
Ai ka lavdëruar ndërhyrjet që Adele po i bën në pronë.
“Më pëlqen ajo që po bën. Po e bën të mrekullueshme”, ka thënë Stalone.
Prona me tetë dhoma gjumi është në një tokë prej tre hektarësh. “Los Angeles Times” ka raportuar se çmimi i shitjes ishte gati 50 për qind më lirë se çmimi fillestar që e priste Stallone prej 110 milionë dollarësh.
Aktori i “Creed” kishte lënë me të vërtetë shijen e tij në rezidencë, duke e shndërruar shtëpinë e stilit mesdhetar në një rezidencë bashkëkohore, me hapësira banimi të pajisura me dritare dhe dyer me kornizë çeliku. Një studio arti u vendos gjithashtu në garazhin me tetë makina dhe thuhet se një shtëpi mysafirësh u shtua në pronë.
Edhe
Adele bën ndryshimin e madh muzikor për rolin e saj të parë në film
Shtëpia përfshin kinema, palestër, bar dhe madje edhe një dhomë cigaresh.
Fqinjët e kësaj prone janë Justin Bieber dhe Denzel Washington.
