Reperi i njohur Action Bronson ka humbur 127 pound apo 57 kilogramë.
Këtë e ka treguar për People, derisa ka njoftuar se kilogramët e tepërt i ka humbur gjatë pandemisë, e cila filloi në mars të 2020-s.
Por edhe pse ka humbur gjithë këto kile, ai thotë se “është i interesuar për ushqim më shumë se kurrë”.
Bronson, emri i vërtetë i së cilit është Arian Asllani, me orgjinë shqiptare, i tha revistës se prej kur i ka lindur djali në vitin 2019, ka qenë frymëzim që të humbë peshë.
“Gjithmonë dëshironi të jeni pranë familjes”, tha 37-vjeçari.
“Kjo s’do të ndodhte po që se s’do ta merrja vetë këtë vendim, dhe e dini, duhet të merrni vendim që nganjëherë të shqetëson. Ashtu që hyn nën lëkurë për të bërë ndonjë ndryshim. Kjo më ndodhi mua”, u shpreh ai.
Bronson ka treguar se dieta e tij është shumë e rëndë dhe me proteina të shumta. Ka treguar se e nisë mëngjesin me 2 vezë, 3 të bardhë të vezëve, një avokado dhe një thekër buke.
Më pas, për 30 minuta vazhdon të stërvitet me trajnerin personal Dave Paladino në “Impact Zone Fitness”, në Norwood, New Jersey.