Dita e Pavarësisë së Shqipërisë ishte dje, por këngëtari i njohur Drake ka vlerësuar se s’është tepër vonë për t’iu bashkuar festimeve, shkruan “Rolling Stones”.
Të mërkurën reperi i famshëm kanadez publikoi videoklipin për “Polar Opposites”, këngë përmbyllëse e albumit të tij të fundit, “For All the Dogs”.
Në video ai shfaqet me një grup të shqiptarëve që rrinë në një dhomë të lojërave në rezidencën e tij.
Në klip, Drake dhe miqtë e tij që luajnë lojëra kanë të veshura xhaketa të kuqe, të gjitha me simbolin kombëtar të Shqipërisë – shqiponjën, që shfaqet në shpinën e tyre.
Në mes të klipave të lojërave të pokerit dhe goditjeve në tavolinën e biliardos, Drake ankohet për një të dashur që e bllokon atë në çdo platformë për të kontaktuar.
Në videon e re Drake përmend Prishtinën.
Video e Draket ka marrë mbi 200 mijë klikime për pak më tepër se dy orë që kur është publikuar.
Video:
