Shtëpinë e “Shrekut” turistët mund të rezervojnë për një qëndrim, në një version real të shtëpisë moçalore, këtë vjeshtë në Airbnb, raporton “USA Today”
Mysafirët mund të qëndrojnë pa pagesë, në pronën e izoluar dhe të mbuluar me myshqe, nga data 27-29 tetor.
Kjo shtëpi është e vendosur në Skoci . Qiradhënësit thonë se “Gomari”, ndihmësi i besuar i Shrekut nga filmi, është rrotull në moçal ndërsa vigani Shrek ndodhet diku larg.
"Moçali i Shrekut është i këndshëm. Thjesht i bukur. Vend i përsosur për të argëtuar mysafirët," tha “Gomari” në një njoftim për shtyp. "E di se çfarë më pëlqen në lidhje me këtë? Gjithçka. Peizazhi, brendësia modeste, shkëmbinjtë e këndshëm, të gjitha. Mezi pres që mysafirët të përjetojnë për vete këtë pjesë të parajsës".
Të ftuarit mund të kërkojnë ta rezervojnë moçalin e “Shrek”, duke filluar nga 13 tetori në orën 13:00. Ata mund të eksplorojnë shtigjet e afërta, t’i shikojnë yjet gjatë natës dhe natyrisht të shijojnë “waffles” për mëngjes.
Rezervimi është deri për tre persona. Ndërsa fjetja dhe vaktet janë të mbuluara, vizitorët do të jenë përgjegjës për shpenzimet e udhëtimit.
Airbnb do të bëjë gjithashtu një donacion për “HopScotch Children's Charity”, e cila ofron udhëtime për fëmijët e pambrojtur, sipas njoftimit për shtyp.
"Me qëllim që të kërkojnë të rezervojnë këtë qëndrim, miqtë duhet të kenë një profil aktiv të Airbnb, marrëveshje me kushtet e shërbimit të Airbnb dhe pranimin e politikës së privatësisë të Airbnb, me një histori të mirë në platformë", thuhet në listë.
Mysafirët gjithashtu duhet të japin një letërnjoftim dhe duhet të dërgojnë një mesazh të plotë kur të kërkojnë rezervimin, duke përfshirë informacion se kush do të bashkohet. Të gjithë udhëtarët duhet të jenë të paktën 5 vjeç.
Udhëtarët duhet të vënë re gjithashtu se tualeti, lavamani dhe dushi janë rreth 20 metra larg nga shtëpia.
