Fifi nuk ka të ndalur. Ajo është një nga këngëtaret më aktive të skenës sonë muzikore, e cila çdo një apo dy muaj i trajton fansat me këngë dhe videoklip të ri.
Videoprojekti i radhës i këngëtares titullohet “Bjeri” dhe vjen në bashkëpunim me artistin, Blasta.
Ndryshe nga baladat e dashurisë për të cilat shquhet këngëtarja, kënga e lansuar të hënën (9 janar) vjen me më shumë ritëm dhe një videoklip të bukur që reflekton shumë energji.
Kënga “Bjeri” vjen e shkruar Fifi dhe Blasta, kurse për videoklipin është përkujdesur “FullMoon Production”.
Këngëtarja e njohur kosovare, Filloreta Raçi, është në pritje të fëmijës së parë me të dashurin, Adis Patushi. Lajmin e ka konfirmuar vet artistja gjatë pjesëmarrjes së saj në Festivalin e këngës në RTSH, ku me këngën “Stop” ajo konkurroi për ta fituar vendin e parë në këtë festival dhe njëherësh të drejtën për ta përfaqësuar Shqipërinë në “Eurovizion 2023”.
Megjithëse Fifi nuk triumfoi, një tjetër këngëtare kosovare, Albina Kelmendi, do ta përfaqësojë shtetin shqiptarë në garën evropiane të muzikës.
