Studioja filmike “Sony Pictures” i ka publikuar pamjet e reja të filmit “Bullet Train”, i cili bazohet në romanin japonez “Maria Beetle” të autorit, Kotaro Isaka.
Aktori shumë i dashur amerikan, Brad Pitt, është angazhuar në rolin kryesor të projektit që i takon zhanrit aksion dhe triler, derisa regjinë e tij e ka bërë, David Leitch, i njohu më së miri për filmat “Deadpool 2” dhe “Fast And Furious Presents: Hobbs & Shaw”.
“Bullet Train” e rrëfen historinë e vrasësit profesionist, Ladybug, i cili dëshiron të heqë dorë nga jeta e krimit, por tërhiqet sërish në situata të komplikuara dhe të rrezikshme nga personi që e ka stërvitur, Maria Beetle, në mënyrë që ta marrë një çantë një tren të shpejtë i cili udhëton nga Tokyo për në Morioka. Por, ai e gjen veten të ngatërruar në një prej betejave më të vështira të jetës, pasi e kupton se treni është i mbushur me vrasës të tjerë profesionist të cilëve u është dhënë i njëjti urdhër.
Përveç yllit hollywoodian Pitt, në film luajnë edhe aktorë të tjera të famshëm si: Sandra Bullock, Joey King, Aaron Taylor-Johnson, Brian Tyree Henry, Andrew Koji, Hiroyuki Sanada, Michael Shannon, Benito “Bad Bunny” Ocasio dhe të tjerë.
“Bullet Train” lansohet për publikun e gjerë nga 5 gushti.
