Ukraina e shkatërruar nga lufta është favorite për të fituar garën e këngës në Eurovision javën e ardhshme, që do të organizohet nga Italia për herë të parë në më shumë se 30 vjet, raportoi The Guardian të premten.

Kalush Orchestra, një grup që ndërthur folklorin tradicional dhe hip-hopin, po konkurron me këngën Stefania, e cila është bërë himn në Ukrainë.

E shkruar nga Oleh Psiuk si nderim për nënën e tij, Stefania është gjithashtu më e ndjekura në YouTube në mesin e 35 arstistëve të shteteve të ndryshme.

Në një intervistë, Psiuk tha se grupi i tij do të dilte mirë në garë edhe para pushtimit rus.

Grupit prej gjashtë personash iu dha leje e veçantë për të udhëtuar në qytetin Turin të Italisë, ndërsa Psiuk tha se një nga anëtarët ka qëndruar në Ukrainë për të luftuar.