Ylli i hitit “Get It Right”, Diplo, mund të përballet me akuza penale kjo pas raportimeve të një gruaje 25-vjeçare, e cila e ka akuzuar muzikantin për sjellje të keqe dhe ngacmim seksual.
Sipas portalit “Buzzfeed News”, artisti 42-vjeçar emri i vërtetë i së cilit është, Thomas Wesley Pentz, mund të përballet me akuza për shkelje të privatësisë dhe bartje të qëllimshme të infeksionit seksual.
Bëhet e ditur se zyra e avokatisë së Los Anxhelosit po e shqyrton ngritjen e akuzave kundër DJ-it dhe producentit muzikor, Diplo, pasi e kanë pranuar një raport nga Departamenti Policorë të paraqitur nga një grua e paidentifikuar, në tetor të vitit 2020.
Pentz akuzohet për xhirime eksplicite seksuale të viktimës pa miratimin e saj, shpërndarjen pa leje e të paktën një prej këtyre videove dhe bartjen e qëllimshme të infeksionit Klamidia. Këto akuza janë gjithashtu të detajuara në kërkesën që ajo e paraqiti në gjykatë, për lëshimin e një urdhër ndalimi të përkohshëm kundër Diplos, dhe në një padi civile të ngritur në fillim të këtij viti.
Në vitin 2020, akuzuesja në fjalë pretendoi se muzikanti i famshëm botëror kishte shpërndarë pornografi hakmarrëse. Më pas asaj iu dha një urdhër mbrojtës nga gjykata, i cili e ndaloi Diplon të postonte çdo imazh të saj në internet, kjo pasi një fotografi e saj eksplicite ishte shfaqur në Twitter. Ai gjithashtu u urdhërua ta fshinte çdo fotografi që e kishte ndarë më parë.
Pentz po ashtu ka bërë kërkesë për urdhër ndalesë kundër gruas në fjalë, teksa avokati i tij vazhdon ta mbrojë pafajësinë e klientit duke këmbëngulur se viktima e supozuar është ajo që e ka ngacmuar artistin.
Kjo nuk është përballja e vetme me ligjin për muzikantin e famshëm. Gjatë verës ai u akuzua për sulm seksual përmes dy padive të ndryshme. Ai vazhdon t’i mohoj të gjitha akuzat kundër tij.
Diplo është një prej DJ-ve, producentëve dhe kantuatorëve më të kërkuar muzikor, i cili gjatë karrierës së tij ka bashkëpunuar me yje të njohur botërorë të tillë si: Sia, Gwen Stefani, Britney Spears, Madonna, Shakira, Beyoncé, Dua Lipa, Ellie Goulding, Justin Bieber, Usher, Snoop Dogg, Chris Brown dhe të tjerë.
