Dafina Zeqiri ka publikuar me videoklip këngën e saj më të re të titulluar “Karma”.
Kënga është pjesë e albumit të saj më të fundit “Dafinë moj”, i cili përmban gjithsej 14 këngë, e që disa prej tyre tashmë janë publikuar me videoklipe.
“Llafe llafe” në bashkëpunim me reperin Lyrical Son është kënga më e pëlqyer deri më tani nga ky album, duke marrë mbi 13 milionë klikime vetëm në You Tube deri më tani.
Ndërkohë, në videoklipin e këngës së publikuar të dielën, Dafina nuk paraqitet fare.
Të enjten ajo bashkë me të dashurin e saj, Dj Geek, ka marrë pjesë në Ministrinë e Punëve të Jashtme të Suedisë, ku është mbajtur ceremonia solemne e ndarjes së çmimeve të muzikës për artistët e suksesshëm që i japin kontribut promovimit të Suedisë jashtë vendit.
Daffy ishte nominuar në kategorinë “Eksporti muzikor i vitit”, për shkak se ka nënshtetësi suedeze, mirëpo nuk ia doli ta rrëmbejë çmimin.
-
26 shtator 2021 16:30
-
Shpërndaje në: