Showbiz

Kim dhe Kanye pajtohen për kujdestari të përbashkët të katër fëmijëve të tyre

Foto: AP/Associated Press

Kanye West është pajtuar ta ndajë kujdestarinë e katër fëmijëve me yllin Kim Kardashian

Reperi i është përgjigjur kërkesës për shkurorëzim të bërë nga bashkëshortja e tij më 19 shkurt të këtij viti, dhe tani çifti është në proces e sipër për t’i dhënë fund martesës pothuajse shtatë vjeçare.

Që të dy, Kim dhe Kanye, në dokumentet zyrtare të dorë3zuara në gjykatë i kanë cituar diferencat mospajtuese si shkaktarë të shkurorëzimit.

Ata po ashtu janë pajtuar që të mos kërkojnë alimentacion nga njëri-tjetri, si dhe i kishin mbajtur pasuritë e tyre të ndara gjatë gjithë martesës, për shkak të kushteve të marrëveshjes para martesore.

West dhe Kardashian, i kanë katër fëmijë së bashku, North, Saint, Chicago dhe Psalm, dhe deri më tani frika më e madhe që besohej se do t’i bënte të shtyheshin me njëri-tjetrin në gjykatë, ishte kujdestaria e tyre. Fillimisht besohej se Kim e kishte kërkuar kujdestarinë e plotë të katër fëmijëve të çiftit, por përfundimisht ata duan që të dy të jenë të përfshirë në jetët e tyre dhe qëllimi i vetëm është mirëqenia e fëmijëve.

Ata janë ndër yjet më të njohur në botë dhe të dy janë jashtëzakonisht të suksesshëm në bizneset e veta, derisa martesa e tyre ishte një nga më të ndjekurat nga mediat dhe publiku, në dekadat e fundit.

40-vjeçarja Kim u bë e famshme në vitin 2007 si personalitet i emisionit “Keeping Up With The Kardashians”, i transmetuar në televizionin “E!” dhe i cili ekranizon përditshmërinë e familjes së saj. Nga atëherë, të gjitha anëtarët e familjes Kardashian/Jenner kanë arritur të bëhen tejet të famshëm, si dhe e kanë shfrytëzuar këtë famë për t’u avancuar në fushën e biznesit.

Ylli amerikan televiziv së fundmi i është bashkuar klubit elitarë të personave shumë të pasur, duke e arritur statusin e miliarderes.

Pasuria e saj neto e ka arritur shumën prej 1 miliard dollarëve, falë bizneseve të saj të kozmetikës dhe veshjeve, si dhe të hollave të fituara nga emisioni televiziv “Keeping Up With The Kardashians”, marrëveshjeve për reklamim dhe investimeve në biznese të ndryshme.

Reperi i njohur nga Chicago, Kanye West, tashmë është pjesë e kësaj liste falë pasurisë prej 1.8 milionë dollarëve.

Image