Princi Harry ka thënë se ai është larguar nga familja mbretërore vitin e kaluar pasi shtypi britanik “ishte gati të shkatërronte” shëndetin e tij mental.
Gjatë një interviste në “The Late Late Show” me James Corden, Harry duke folur për kënaqësitë e jetës mbretërore dhe largimin e tij nga familja, tha se kishte vendosur që ishte më mirë të largonte familjen e tij nga familja mbretërore, shkruan CNN.
“Ne të gjithë e dimë se si është shtypi britanik dhe kjo po më shkatërronte shëndetin mental”, tha ai duke shtuar se “konsiderova se kjo ishte diçka helmuese prandaj bëra atë që do të bënte secili bashkëshort apo secili baba”.
Princi Harry dhe bashkëshortja e tij, dukesha e Sussexit Meghan Markle janë larguar nga familja mbretërore në janar të vitit 2020, një hap ky që shkaktoi kriza brenda institucionit mbretëror.
Atë kohë, çifti ishte vendosur të jetonte në Los Angjelos duke zgjeruar familjen. Ata kanë një djalë ndërkohë që janë në pritje të një fëmije tjetër.
-
Largimi nga familja mbretërore – Princi Harry rrëfen për tensionet me vëllain e tij
-
Princi Harry është thellë i lënduar pas ‘braktisjes’ së familjes mbretërore
-
Princi Harry dhe Meghan rikthehen për të jetuar në Britani me fëmijët
-
Princi Harry s'e donte rolin në familjen mbretërore, sipas tij, ai rol ia mori jetën nënës së tij
-
Princi Harry: Do të doja një pajtim me familjen mbretërore