Modelja 25-vjeçare, Gigi Hadid, para pak ditësh u bë nënë për herë të parë, duke e sjellë në jetë një vajzë me të dashurin e saj, Zayn Malik.
Megjithëse nuk ishin bërë publike shumë detaje rreth lindjes së foshnjës apo emrit të saj, disa burime të afërta të çiftit të njohur të showbizit kanë bërë të ditur se, Gigi nuk i ka ndjekur metodat konvencionale të lindjes dhe e ka shmangur shkuarjen në spital për ta sjellë në jetë fëmijën e saj të parë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas raportimeve nga “Page Six”, bukuroshja Hadid e ka lindur vajzën në fermën e saj në periferi të Pennsylvanias. Duke i cituar burimet e afërta të modeles, po ashtu u bë e ditur se Gigi dhe Zayn janë bërë prindër më 19 shtator, transmeton Koha.
Ndërkaq, çifti i famshëm i cili është në lidhje dashurie nga viti 2015, e kishte bërë publik lajmin e lindjes së fëmijës së tyre të parë tek më 23 shtator, me postimin e dy fotografive bardh e zi në rrjetet sociale, ku shihet dora e vogël e vajzës së tyre.
Gigi Hadid e kishte konfirmuar shtatzëninë në prill të këtij viti, pasi disa familjarë të supermodeles e kishin zbuluar lajmin e gëzuar.