Showbiz

Lady Gaga nuk kishte ide që babai i saj po i kërkonte publikut të holla

Lady Gaga nuk kishte ide që babai i saj po i kërkonte publikut të holla

Joe Germanotta, babai i këngëtares së famshme Lady Gaga, është kritikuar ashpër në rrjetet sociale, ngase i kishte kërkuar publikut t’i ndihmojnë në sigurimin e 50.000 dollarëve për t’i paguar punëtorët e restorantit të tij në New York, të cilët ishte detyruar t’i pushojë nga puna si pasojë e krizës ekonomike të shkaktuar nga pandemia e koronavirusit.

I ati i Gagas që është pronar i restorantit, e kishte themeluar faqen “GoFundMe” ku publiku mund të zgjedhë të dhurojë para për t’i ndihmuar në sigurimin e pagave të punëtorëve të tij, por menjëherë pas këtij veprimi, Germanotta është përballur me kritika të shumta nga njerëzit të cilët ia potencuan faktin se ai dhe Gaga, e cila është bashkë-pronare e restorantit, posedojnë pasuri prej miliona dollarëve.