Ylli i hitit “Yong and Beautiful”, Lana Del Rey, dhe ish i dashuri i saj polici 46-vjeçar, Sean “Sticks” Larkin, për herë të parë ishin parë së bashku në dhjetor të vitit të kaluar, por tani dyshja e ka bërë të ditur lajmin se kanë vendosur t’i japin fund lidhjes romanike, pas vetëm gjashtë muajsh.

Larkin e konfirmoi lajmin gjatë një interviste për “New York Times”, por insistoi se dyshja vazhdon të ketë raporte të mira ves veti dhe se tani janë vetëm miq të mirë.

“Aktualisht unë dhe Lana jemi vetëm miq. Ende flasim me njëri-tjetrin, por thjeshtë i kemi agjendat e ngjeshura me angazhime dhe po kemi shumë pak kohë për të kaluar bashkë,” citohet të ketë thënë polici i njohur me nofkën Sticks.

Lana Del Rey dhe ish i dashuri i saj për herë të parë e kishin bërë publike lidhjen në dhjetor të vitit të kaluar, kur këngëtarja e hitit “Venice Bitch” e postoi një fotografi në Instagram ku shihej përkrah Larkinit, transmeton Koha.

Me muaj të tërë ata kishin arritur ta mbajnë lidhjen e tyre larg vëmendjes së mediave, duke i kufizuar paraqitjet së bashku në publik. Ndërkohë, në një intervistë të kaluar, këngëtarja e famshme e ka pranuar se brengoset për atë se çfarë do të mendojnë fansat e saj për faktin se është në lidhje dashurie me një polic.