Këngëtarja kosovare me famë botërore, Dua Lipa, e ftuar në emisionin e famshëm amerikan “The Tonight Show Starring Jimmy Fallon”, ka folur për Kosovën dhe yjet botërore që kanë mbajtur koncerte në vend si dhe për festivalin e saj “SunnyHill”.
Në këtë intervistë, ajo fillimisht ka folur për emrin e saj duke treguar se nuk e kishte pëlqyer shumë sa ishte fëmijë për shkak të problemit të shqiptimit në gjuhët tjera.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDuke folur për Kosovën, ajo është pyetur se a janë organizuar në të kaluarën koncerte të mëdha të artistëve të huaj, Lipa ka thënë se ka qenë vetëm 13-vjeçare kur kishte shkuar në koncertin e parë për të, te dyshja Method Man dhe Redman. Ajo ka vazhduar duke treguar se ishte pjesë edhe e koncertit të 50 Centit në Prishtinë.
“Në fakt, në Kosovë, njerëzit dëgjojnë vetëm muzikë hip-hop, është një zhanër shumë i kërkuar dhe njerëzit duan t’i dëgjojnë vetëm artistët e hip-hopit”, ka thënë tutje ajo.
Lipa ka thënë se kur ka nisur festivalin “SunnyHill” ideja e saj ishte që para kosovarëve të vijnë yjet më të mëdha botërore. Ka lavdëruar këngëtaren Miley Cyrus që vitin e shkuar ishte ndër yjet kryesore të festivalit.
“Ishte artistja e parë ndërkombëtare që erdhi për të performuar në Kosovë. Dhe për mua, kjo ishte realizim i një prej ëndrrave të mia më të mëdha. Vetëm ta shikoja sa të emocionuar dhe të lumtur ishin njerëzit për ta parë atë në skenë, dhe ajo ishte e mahnitshme, e solli një energji fantastike dhe me të vërtetë e dha një performancë të jashtëzakonshme. Gati sa nuk fillova të qaj nga lumturia dhe krenaria”, ka thënë ndër tjerash ajo.