Futbollistët e Ukrainës kanë shënuar fitore të rëndësishme por në mënyrë shumë dramatike ndaj Marokut.
Ukrainasit e kanë shënuar golin e fitores në minutën e 98-të për t’i arkëtuar pikët e plota në duelin e vështirë ndaj marokenëve.
Ndeshja u mbyll 2:1 dhe i takoi Grupit B të turneut olimpik për futbollistë.
Në minutën e 21-të, Ukraina realizoi për 1:0 me mesfushorin Dmytro Kryskiv. Sulmuesi Soufiane Rahimi nga penalltia në minutën e 64-të i barazoi shifrat në 1:1.
Kur ndeshja po shkonte drejt përfundimit, në skenë u shfaq Igor Krasnopir që shënoi në minutën e tetë të kohës shtesë, me asistim të Oleg Fedorit.
Përfaqësuesja e Ukrainës nga minuta e 63-të luajti pa mesfushorin Volodymyr Salyuk, që u ndëshkua direkt me karton të kuq.
Ukraina dhe Maroku kanë nga tre pikë të grumbulluara.
