Organizata joqeveritare “Democracy Plus”, ka njoftuar se Komuna e Prishtinës ka paguar 189,790 euro për përfaqësim ligjor, por paguan edhe zyrtarë komunalë për këtë detyrë.
Sipas të gjeturave të kësaj OJQ-je, gjatë viteve 2020-2022, Komuna e Prishtinës ka lidhur tri kontrata me të njëjtin operator ekonomik.
“2020 - për 6 muaj -99,453.00 euro, 2020 – për 3 muaj- 46,578.00 euro, 2022 - për 4 muaj – 43,759.25 euro”, thuhet në njoftim.
Sipas D+, kjo komunë ka tre zyrtarë në zyrën ligjore që paguhen me pagë mujore dhe kanë për detyrë edhe përfaqësimin e komunës.
