Fshati Rezhancë i Komunës së Hanit të Elezit, është rreth 700 metra mbi nivelin e detit, e aty familja Rexhellari po zhvillon aktivitetin e kultivimit të mjaltit.
Dashuria për bletë në këtë familje u trashëgua brez pas brezi.
Dikur e nisi gjyshi i tij, e tani 24-vjeçari, i cili është student i mjekësisë në Universitetin e Prishtinës, Përparim Rexhallari, e ka pasionin e njëjtë, raporton KOHA.
Atij i kanë mbetur edhe dy provime deri sa të marrë edhe titullin Doktor i Përgjithshëm.
Rexhallari thotë se studimet nuk e kanë penguar aspak që të merret me këtë profesion.
Edhe
Bletarja me mjaltë cilësore në malet e Deçanit
Ai, 5 vjet thotë se i ka kaluar duke u marrë në mënyrë aktive me bletë.
Familja Rexhallari ka mbi 60 koshere bletësh, derisa potencojnë që lokacioni i zgjedhur luan rol në mjaltë më të mirë.
Por, kjo hapësirë ka edhe të metat e saja. Për shkak të zonës malore ku ato po qëndrojnë, kosheret ishin sulmuar nga një ari.
E pjesa që Përparimit i pëlqen më shumë të flasë është për të mirat e mjaltit.
Edhe
40 tonë lakra për hektar, rendimenti që pret fermeri nga Istogu
Ai thotë se studimet në mjekësi kanë bërë që të kuptojë edhe më shumë rëndësinë e këtij ushqimi.
Aktualisht, ata janë duke kryer punët pranverore ku po bëjnë vendosjen e kateve për grumbullimin e mjaltit.
