Të pasurit një shtëpi të madhe me hapësirën e duhur për të gjithë anëtarët e familjes është ëndërr e secilit prej nesh.
Por mes ëndrrës dhe realitetit, njeriu mjaftohet me atë shtëpi që mund të përballojë financiarisht.
Edhe nëse shtëpia që keni zgjedhur mund të jetë e vogël, me trikat e duhur ju mund t’i jepni asaj dhe vetes një hapësirë më të bollshme.
Ekspertët e fushës së dizajnit të brendshëm ofrojnë këshillat e mëposhtme që të bëni shtëpinë tuaj të duket më e madhe.
Zgjidhni ngjyra të çelëta
Edhe
Cilën ngjyrë duhet zgjedhur për një kuzhinë që nuk ka shumë ndriçim
Sipas ekspertëve ngjyra me të cilën do të lyeni shtëpinë luan një rol domethënës në krijimin e idesë së një hapësire të madhe ose të vogël.
Nëse dëshironi që shtëpia të duket më e madhe, jepini dritë asaj duke zgjedhur ngjyra të çelëta e të hapura.
Mobilet dhe tapiceritë gjithashtu duhet të kenë ngjyra të nuancave më të lehta.
Ndriçimi
Arkitektët sugjerojnë zbatimin e rregullit të artë të ndriçimit, që ka të bëjë me vendosjen e tre burimeve të ndriçimit në çdo dhomë.
Kësisoj, ato do të krijojnë një hapësirë drite që vizuelisht do të duket sikur ka zmadhuar hapësirën e dhomës.
Trekëndëshi i dritës do ta bëjë shtëpinë të duket më e madhe se sa është.
Transparenca
Ekspertët sugjerojnë që të investoni në mobile transparente, tryeza xhami e karrige transparente të cilat tani janë shumë në modë.
Sa më transparente t’i keni mobilet aq më e madhe do të duket shtëpia.
Pasqyrat
Edhe
Një dhomë e mbingarkuar me sende pengesë për relaksim
Pasqyrat reflektojnë dritën dhe krijojnë iluzionin e të pasurit një apartament më të madh.
Me pasqyrat mund të përdorni edhe fantazinë dhe të luani me kornizat dhe madhësinë e tyre.
Rafte të larta
Raftet duhen vendosur në pika më të larta që shikimi të shkojë sipër.
Kësisoj krijohet ideja e një hapësire më të madhe.
Në këto rafte mund të vendosni libra, dekorime të vogla dhe vazo.
Larg rrëmujës
Mobilimi i rrëmujshëm dhe kaotik i shtëpisë e mbyll dhe e zvogëlon atë.
Në mobilimin e shtëpisë duhet të jeni minimalistë dhe të shmangni sa më shumë rrëmujën që të krijoni idenë e një hapësire të madhe e të pastër.
Më pak piktura
Edhe
Tri gjërat në dhomën e gjumit që mund të rrisin stresin
Mos i mbushni muret me piktura e korniza.
Zgjidhni një pikturë të madhe që krijon idenë e hapësirës së madhe dhe shmangni kornizat e vogla që e ngushtojnë atë./AgroWeb.org
