-
Përktheu:
Vita Abrashi-Kajtazi
- 10 qershor 2026 11:20
- Shpërndaje në:
Frutat e malit janë të pasura me vitamina, fibra dhe antioksidantë, por ekspertët paralajmërojnë se disa prej tyre mund të përmbajnë nivele të larta mbetjesh pesticidesh.
CNN ka shkruar se sipas raportit të vitit 2026 të organizatës amerikane "Environmental Working Group" (EWG), dredhëzat, boronicat dhe manaferrat renditen ndër produktet me më shumë pesticide.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas ekspertëve larja e frutave mund të largojë një pjesë të pesticideve që ndodhen në sipërfaqe, por jo ato që përthithen nga vetë bima gjatë rritjes.
“Nëse jeni të shqetësuar për pesticidet, zgjedhja më e mirë është të blini produkte organike, kur kjo është e mundur”, ka thënë Peng Gao, profesor i shëndetit mjedisor në Universitetin e Harvardit.
Si t’i lani frutat e malit?
Studimet tregojnë se zhytja e frutave për një kohë të shkurtër në ujë me sodë buke ose uthull është më efektive sesa vetëm shpëlarja me ujë.
Përgatitja e ujit:
1 lugë çaji sodë buke në 2 gota ujë.
Zhytini manaferrat për 30 deri në 60 sekonda.
Më pas shpëlajini mirë me ujë të ftohtë dhe thajini menjëherë.
Sipas studiuesve, kjo metodë mund të largojë rreth 50 për qind të pesticideve që ndodhen në sipërfaqe.
Cilat fruta kanë më pak pesticide?
Lajmi i mirë për prindërit është se mjedrat nuk janë përfshirë në listën e produkteve më të ndotura me pesticide për vitin 2026.
“Dallimi kryesor është se mbetjet e pesticideve gjenden shumë më rrallë te mjedrat sesa te frutat e tjera të malit. Kjo i bën ato një alternativë më të sigurt për fëmijët që i duan këto fruta”, ka thënë Gao.
Ekspertët theksojnë se, pavarësisht pranisë së pesticideve, përfitimet shëndetësore nga konsumimi i frutave dhe perimeve mbeten shumë më të mëdha sesa rreziqet e mundshme. Megjithatë, larja e kujdesshme dhe zgjedhja e produkteve organike, kur është e mundur, mund të ndihmojnë në uljen e ekspozimit ndaj pesticideve.