-
Përgatiti:
Vita Abrashi-Kajtazi
- 2 dhjetor 2025 23:50
- Shpërndaje në:
Disenjatori Jonathan Anderson, për herë të tretë, ka fituar titullin “disenjatori i vitit”, në ceremoninë e ndarjes së çmimeve “Fashion Awards”.
Anderson ishte shumë i emocionuar për shpërblimin.
HighSnobiety, në Instagram ka shkruar se ai ka thënë se pa BFC-në (British Fashion Council) nuk do të mund të ishte ku është sot si dhe ka falënderuar veçanërisht ekipin e gjigandit të veshjeve, “Dior”, ku aktualisht punon si drejtor kreativ.
Përveç “Diorit” ai ka falënderuar edhe ekipin e brendit, “JW Anderson”, të cilin këtë vit e ka rifreskuar me krijimtari të re.
Anderson ka thënë se në të vërtetë magjia e krijimtarisë ndodhë në prapaskenë.
Disenjatorja, Grace Wales Bonner, ka fituar çmimin për krijimtarinë më të mirë në kategorinë e veshjeve të burrave.
Kurse disenjatorja Sarah Burton, pasi vitin e kaluar është nderuar me çmim për punën e saj në brendin e njohur “Alexander McQueen”, këtë herë ka fituar çmimin për krijimtarinë më të mirë në kategorinë e veshjeve për gra, në kuadër të punës së saj në brendin “Givenchy”.
Këtë çmim, Burtonit, ia dha aktorja Cate Blanchett.