Studiuesit kanë krijuar një terapi gjenesh që synon kanalin e joneve natriumi NaV1.7, duke ofruar një qasje të re premtuese për trajtimin e dhimbjeve kronike duke manipuluar një bashkëveprim specifik të proteinave
Hulumtuesit në NyU College of Dentistry's Pain Research Center kanë zhvilluar një terapi gjenesh që trajton dhimbjet kronike duke rregulluar në mënyrë indirekte një kanal specifik të joneve të natriumit, sipas një studimi të ri të botuar në Proceedings of the National Academy of Sciences (PNAS).
Terapia novatore, e testuar në qeliza dhe kafshë, bëhet e mundur nga zbulimi i rajonit të saktë ku një proteinë rregullatore lidhet me kanalin e joneve të natriumi NaV1.7 për të kontrolluar aktivitetin e tij.
"Studimi ynë përbën një hap të madh përpara në kuptimin e biologjisë bazë të kanalit të joneve natriumi NaV1.7, i cili mund të shfrytëzohet për të siguruar lehtësim nga dhimbja kronike," tha Rajesh Khanna, drejtor i “NyU Pain Research Center” dhe profesor i patologjisë molekulare në “Dentistrinë NYU”.
Dhimbja kronike është një çështje e rëndësishme e shëndetit publik që prek afërsisht një të tretën e popullsisë amerikane. Shkencëtarët janë të etur për të zhvilluar ilaçe kundër dhimbjes që janë alternativa më efektive dhe më të sigurta ndaj opioideve.
Kanalet e joneve të natriumit luajnë një rol kyç në gjenerimin dhe transmetimin e dhimbjes, pasi ato janë kritike për qelizat nervore, ose neuronet, për të komunikuar me njëra-tjetrën. Një kanal i veçantë i joneve të natriumit i quajtur NaV1.7 doli si një objektiv premtues për trajtimin e dhimbjes pas zbulimit të rëndësisë së saj tek njerëzit me çrregullime të rralla gjenetike të dhimbjes. Në disa familje, një mutacion në gjen që kodon për NaV1.7 lejon sasi të mëdha natriumi të hyjë në qeliza, duke shkaktuar dhimbje kronike intensive. Në familje të tjera, mutacionet që bllokojnë NaV1.7 rezultojnë në mungesë të plotë të dhimbjes.
Shkencëtarët janë përpjekur prej vitesh të zhvillojnë trajtime kundër dhimbjes për të bllokuar në mënyrë selektive NaV1.7, me pak sukses. Khanna ka marrë një qasje tjetër: në vend që të bllokojë NaV1.7, qëllimi i tij është ta rregullojë atë në mënyrë indirekte duke përdorur një proteinë të quajtur “CRMP2”.
Edhe
Personat me dhimbje kronike të shpinës më të ndjeshëm ndaj zhurmave bezdisëse
Laboratori i Khannas ka thënë se kompleksi ka qenë i suksesshëm në kontrollin e dhimbjes në qelizat dhe modelet e kafshëve dhe studimet po vazhdojnë drejt përdorimit të tij te njerëzit.
"Ka një nevojë të madhe për trajtime të reja të dhimbjes, duke përfshirë pacientët me kancer me neuropati të shkaktuar nga kimioterapia. Qëllimi ynë afatgjatë është të zhvillojmë një terapi gjenesh që pacientët mund të marrin për të trajtuar më mirë këto kushte të dhimbshme dhe për të përmirësuar cilësinë e tyre të jetës," tha Khanna.
Përgatiti: Vita Abrashi -Kajtazi
