Magazina televizive dedikuar modës rikthehet në ekranin e Kohavisionit me sezonin e ri.
Pas një shkëputjeje, “Fashionista” vjen me format dhe imazh tjetër duke sjellë informacione dhe materiale për zhvillimet në fushën e modës në vend dhe trendët që sjellin disenjatorët dhe evenimentet më të rëndësishme në botë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPrezantuesja dhe autorja Kaltrina Haziri së bashku me ekipin e emisionit do të sjellin atë që u ka munguar adhuruesve të modës dhe imazhit në ekranet televizive kosovare.
Emisioni përveç materialeve nga pistat e modës dhe lajmet për personazhin e njohur sjell edhe rubrikat si “Vouge”, që shpalos një rrëfim nga një personalitet i njohur, “Fashion n'insta”, që sjell trendët e imazhit në rrjete sociale dhe “Sefte”, rubrika që i vë personazhet publike në 8 situata në të cilat nuk i keni parë.
Emisioni në 40 minuta përveç argëtimit, shtyllë qendrore do të vazhdojë të mbajë informacione mbi modën dhe kurimin e imazhit.
Edicioni paralajmërues për sezonin e ri u transmetua në kuadër të programit festiv në KTV me intervistën ekskluzive me Laura Imamin, e njohur për suksesin e saj në dizajnimin e syzeve të cilat ndër vite janë afirmuar nga disa prej personazheve të njohura të botës së shoubizit derisa qenë lavdëruar edhe nga ikona e modës dhe filmit, Tom Ford.
Të tilla intervista të formatit të veçantë do të vijnë çdo javë në kuadër të emisionit, i cili mbetet adresë për gjithë ata që pëlqejnë modën dhe duan të jenë në hap me trendët e rinj. Fashionista transmetohet çdo javë nga ora 19:50 në Kohavision.