16 pacientëve me kancer u është rimodeluar sistemi i tyre imunitar, në atë mënyrë që të sulmojë tumoret e tyre.
Studimi eksperimental po vlerësohet si hap përpara në trajtimin e sëmundjes.
Në këtë eksperiment secili pacient iu nënshtrua një trajtimit të veçantë, i cili synonte pikat specifike të dobëta në tumorin e tyre.
Siç raporton BBC-ja, është tepër herët për të vlerësuar plotësisht efektshmërinë e terapisë. Gjithashtu thuhet se ajo është e shtrenjtë dhe kërkon kohë për tu aplikuar.
Trajtimi përqendrohet në një pjesë të sistemit imunitar të quajtur qelizat T, të cilat kontrollojnë qelizat e tjera për probleme.
Ato përdorin proteina të quajtura receptorë, për të nuhatur në mënyrë të efektshme shenjat e infeksionit ose të qelizave që janë bërë kanceroze.
Edhe
Njerëzit që jetojnë mbi 100 vjeç kanë më shumë qeliza imunitare që luftojnë kancerin
Megjithëkëtë mund të jetë e vështirë që qelizat T, t'i pikasin ato kanceroze, pasi ato janë një version i korruptuar i qelizave tona.
Ideja e terapisë është të rrisë nivelet e qelizave T, që pikasin kancerin. Ajo duhet të përshtatet për çdo pacient pasi çdo tumor është unik.
Transformimi i qelizave T në një formë që mund të sulmojnë kancerin, kërkon manipulim të konsiderueshëm gjenetik.
