Nutricionistët shpesh sugjerojnë t’i shmangni produktet e qumështit, por hulumtuesit me këtë studim dëshmojnë se djathi është vërtet i dobishëm për shëndetin, transmeton koha.net.
Hulumtuesit në Universitetin e Kopenhagës në Danimarkë kanë kryer një studim në të cilin kanë hulumtuar se si ndikon konsumimi i djathit në shëndet. Studimi ka zgjatur 12 javë dhe në të morën pjesë 139 të rritur. Pjesëmarrësit ishin të ndarë në tre grupe.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGrupi i parë i konsumoi 80g djathë me sasi të lartë yndyre çdo ditë. Tjetri e konsumoi të njëjtën sasi të djathit me më pak yndyrë. Grupi i tretë i subjekteve nuk konsumoi djathë, por konsumoi 80g të produkteve të tjera të qumështit.
Rezultatet e hulumtimit treguan se ata që konsumuan djathë me përmbajtje të lartë të yndyrës, nuk e kishin të ngritur nivelin e kolesterinës së keqe, insulinës, sheqerit në gjak dhe triglicerideve. Gjithashtu nuk janë shënuar ndryshime në presionin e gjakut dhe perimetrin e belit.
Ajo që është veçanërisht e habitshme tek personat që kishin ngrënë djathëra me nivel të lartë të yndyrës janë ndryshimet shëndetësore pozitive. Nivelet e kolesterinës të mirë HDL u ngritën, me ç’rast studiuesit erdhën në përfundimin se djathi ndikon në mbrojtjen nga sëmundjet kardiovaskulare dhe metabolike, transmeton koha.net.
Studimet e reja kanë treguar se djathi mund të ndihmojë në balancimin e florës së zorrëve.
Megjithatë, djathi përmban sasi të larta të natriumit dhe yndyrës së ngopur, prandaj studiuesit sugjerojnë ta konsumoni atë me masë.